Nagpahibalo ang Department of Energy (DOE) nga nag-andam kini og bag-ong palisiya aron mahimong mas sayon ug mas paspas ang pag-instalar og mga solar panel ug battery storage system sa mga panimalay.
Sumala ni Energy Secretary Sharon Garin, ang tumong mao ang pagpakunhod sa gikinahanglan nga mga permit ug proseso para sa mga pamilya nga gusto mogamit og solar energy para lamang sa ilang kaugalingong konsumo ug dili ibaligya ang kuryente sa distribution utility.
Si Garin miingon nga ang maong palisiya gilauman nga ipagawas sulod sa usa ka bulan.
Sa samang higayon, si Presidente Ferdinand Marcos Jr., sa iyang ikalima nga State of the Nation Address, mihangyo pag-usab sa Kongreso, sa iyang ikalima nga State of the Nation Address, alang sa hinanaling pagpasar sa Sariling Kuryente Act.
Sumala sa Presidente, ang katuyoan sa balaodnon mao ang paghimo sa pag-instalar og mga solar panel ug battery storage system sa mga panimalay nga mas simple, mas barato, ug mas paspas aron makatabang sa pagpaubos sa gasto sa kuryente sa mga Pilipino.
Gidugang sa DOE nga ang bag-ong palisiya nahiuyon sa tumong sa Sariling Kuryente Act nga pagpakunhod sa red tape ug pagpadali sa paggamit sa renewable energy sa mga panimalay.
