-- ADVERTISEMENT --
Wala maapektohi si Department of National Defense (DND) Secretary Gilberto Teodoro Jr. sa kabalaka sa mga Filipino-Chinese business group nga mahimong maapektuhan ang negosyo tungod sa nagpadayong panaglalis sa Pilipinas ug China kalabot sa West Philippine Sea.
Matod ni Teodoro, dili angay basulon ang mga Pilipino tungod kay ang China ang nagpadayon sa pag-angkon sa West Philippine Sea.
Dugay na usab, sumala kaniya, nga wala mohunong ang China sa pagpanghadlok sa mga Pilipinong mananagat nga nangisda sa atong kadagatan.
Gibiyaan na lamang ni Teodoro sa publiko ang paghukom sa pipila ka lider ug opisyal sa nasud nga daw nagdepensa pa sa mga pag-angkon sa China sa West Philippine Sea.
