Andam nga magpasaka og kaso ang Department of Migrant Workers (DMW) batok kang former Overseas Workers Welfare Administration (OWWA) Administrator Arnell Ignacio human nga nadiskurehan ang dili otorisadong P1.4 billion nga kantidad sa usa ka land acquisition deal.
Matud pa kang DMW Secretary Hans Leo Cacdac, nga giandam na sa ilang legal team ang mga igong kasong atubangon ni Ignacio og laing mga personalidad nga nalambigit sa maong isyu.
Sumala pa sa maong kalihim nga gamiton unta ni Ignacio ang lupa aron makapatukod og ‘half-way house’ nga ang tumong nga ma-accommodate ang mgaoverseas filipino workers (OFW’s).
Gibutyag ni Cacdac nga wala nakapasa sa OWWA Board of Trustees ang proposal apan gipadayon gihapon ang deed of sale.
Samtang andam ang mag-imbestiga ang bag-ong OWWA Chief nga si Administrator Patricia Yvonne Caunan sa maong proyekto.
Luyo niini wala una naghatag sa iyang komento si Ignacio kalabutan sa maong alegasyon.
Tungod niini gitanggal sa pwesto si Ignacio gumikan sa ‘loss of trust and confidence’ sa ahensya human nga gipadayon ang dili otorisadong proyekto.
