GENERAL SANTOS CITY– Matag adlaw nga Dominggo magpahigayon og disinfection og pagpanghinlo sa merkado publiko sa syudad.
Matud kang Lito Esclamado, ang administrador sa Central Public Market nga duha ka bulan na kining gipahigayon sugod nga gipatuman ang sunday no movement sa dakbayan.
Gibutyag sa nasampit nga inisyatibo nila ang paglimyo sa isdaan, karnehan, gulayan og apil usab sa palibot sa palengke ilabi na nga usa ka pampublikong lugar ang palengke.
Hinuon aminado si Esclamado nga wala na ginapangita sa mga market goers ang QR code samtang wala usab gipatuman ang Market Day Schedule, kini bisan pa nga nalatid kini sa EO 30 nga pirmado sa mayor.
Apan gipaniguro niini nga gina-implementa ang paghugas og mga kamot sa mga mamalitay una pasudlon sa palengke, pagpasul-o sa mga nasampit og face mask og face shield og ginasita ang mga wala gaobserba og social distancing.
