GENERAL SANTOS CITY – Subling nagpahimangno ng otoridad sa katawhan nga mag-amping sa pagmaneho aron malikay sa disgrasya sa kadalanan.
Kini human nga tulo ang namatay og usa ang samdan sa nahitabong disgrasya sa National Highway Brgy. Sulit, Polomolok South Cotabato sa miaging adlaw.
Gikalambigitan kini sa usa ka topdown ug usa ka pick-up nga sakyanan.
Ang driver sa pick up nga si Alvin Pangulo ug anaa na sa karon kustodiya sa Polomolok Municipal Police Station.
Ang mga namatay mao silang Ziegfred Jan Palmejar, Lolita Lampiño og Sotera Jordan Palmejar.
Samtang naa pa sa ospital ang driver sa topdown nga si Vicente Jordan hamtong ang pangidaron.
Sa imbestigasyon Traffic Management Unit sa Polomolok , gikan sa Tupi, South Cotabato ang mga biktima padulong sa Brgy. Magsaysay, Polomolok apan pag abot sa national highway sa Brgy. Sulit, nabanggaan sila sa pick-up.
Tungod sa kakusog sa impact sa pagkabangga nakaangkon og grabeng samad sa ulo og lawas ang mga biktima.
Samtang, padayon pa ang gihimong imbestigasyon sa kapulisan kalabot sa maong insidente aron masayran kung kinsa ang sad-an sa maong disgrasya.
