Giinsistir sa House Prosecution nga dili kinahanglan nga kompleto ang defense team aron ikumpara ang mga dokumentong gamiton sa impeachment trial ni Vice President Sara Duterte.
Sumala kang House Prosecution Spokesperson Atty. Benjamin Tolosa, dili igo nga rason ang kakulang sa oras o pagka-busy sa mga abogado sa depensa aron ipalangan ang document comparison.
Matud ni Tolosa, tumong sa direktiba sa presiding officer nga mapadali ang proseso pinaagi sa pagtandi sa mga liquidation report ug uban pang common exhibits sa dili pa ang sunod nga hearing.
Gipahayag sa depensa nga Agosto 14 pa sila andam sa document comparison bisan pa nga gipahibalo na sila niadtong Miyerkules.
Matud ni Tolosa, dili kinahanglan nga motambong ang tibuok defense team tungod kay 16 ka abogado ang mipirma isip opisyal nga mga abogado sa depensa.
Dugang niya, bisan wala niya giingon nga tinuyo ang paglangan, nakaapekto gihapon umano kini sa dagan sa impeachment proceedings.
