Nagpaabot ang Department of Foreign Affairs (DFA) sa usa ka taho bahin sa sorpresang pag-atake sa Israel sa Iran sayo sa Biyernes nga nakapatay sa mga nanguna sa military commanders, nuclear scientists ug mga sibilyan.
Sa bag-ong Pilipinas public briefing, si DFA Undersecretary Eduardo de Vega miingon nga ilang gimonitor ang mga kalamboan sa Iran tungod kay adunay 2,000 ka mga Pinay nga naminyo sa mga Iranian nga kinahanglang mahibalo sa sitwasyon.
Gipasalig ni De Vega nga magpagawas sila og update sa Iran sa diha nga ang embahada sa Tehran adunay opisyal nga pahayag.
Matod niya nga ilang tun-an kung moisyu ba sila og travel advisory sanglit walay mga overseas Filipino workers nga na-deploy sa Iran.
Matud pa ni De Vega nga kung mograbe ang sitwasyon sa Iran ug bisan sa Iraq, mahatagan og kapuy-an ug tiket ang mga Filipino nga gustong mopauli.
Dugang pa ni De Vega nga pipila lang ang mga Pinoy sa Iraq tungod kay walay OFWs nga na-deploy sa nahisgutang nasud ug mga dos mil lang ka mga Pinoy ang nagtrabaho sa mga pribadong kompanya sa Iraq.
Dako ang pagsalig ni De Vega nga dili mosamot ang kahimtang sa Iraq, tungod kay ang giatake sa Israel mao ang mga pasilidad sa militar ug nukleyar nga mga lugar sa Iran.
