GENERAL SANTOS CITY – Hapit madamay ang usa ka balay sa Purok 2 Marcos Avenue, Apopong ning syudad sa pagkasunog sa usa ka delivery van nga nasangit sa linya sa kuryente nga nagresulta sa pagkasunog.
Gibutyag sa nagpangalan ug Hermosa Garayanala nga dali nilang gipasiritan ug tubig ang nagkalayo nga van sa kahadlok nga masunog ang ilang pinuy-anan samtang gasinggit ngadto sa mga tripulante nga mangananaug kay nasunog ang ilang trak.
Dali matud pang mikanaug ang mga sakay niini apan dako na kaayo ang kalayo niadtong tungura nga nagresulta sa pagkahurot ug kasunog sa tibuok sakyanan.
Samtang gikumpirma sa driver sa wing van nga wala sila makamatikod nga nasunog na ang ilang sakyanan luyo nga ilang nakita nga misanyad sa ilang trak ang linya sa kuryente.
Pagsaysay niini nga gikan matud pa sila sa Davao ug ideliver unta ang karga nga foam sa Apopong apan wala na sila makaabut sa ilang destinasyon kay nasunog ang ilang sakyanan.
Gumikan sa sunog gina imbestigahan pa kung pila ang danyos sa pagka-ugdaw sa wing van nga napuno ug foam.
Niining semanaha duha ka wing van na ang nasunog human gisunog sa mga nagpaila nga sakop sa New Peoples Army ang delivery trak sa KCC didto sa Tuyan Malapatan Sarangani province.
