-- ADVERTISEMENT --
Nigahin ang Department of Budget Management (DBM) og P454 milyones sa Department of Health (DOH) alang sa pagpalit sa 173 ka medical vehicles.
Matud ni Budget Secretary Amenah Pangandaman nga ilang giaprobahan ang Authority ot Purchase Motor Vehicle (APMFV) alang sa DOH.
Ang mga salakyanan naglakip sa 161 ka unit sa ambulansya, duha ka mobile primary care facility o mobile clinics, upat ka unit sa sea ambulances, upat ka pasahero nga van, usa ka van alang sa pagbalhin sa mga pasyente ug usa ka van alang sa mobile blood donation.
Samtang giklaro sa kalihim nga ang nasangpit nga kantidad kuhaon sa Health Facilities Enhancement Program (HFEP) ubos sa 2024 General Appropriations Act.
