Nananawagan ang pipila ka grupo sa mga negosyanteng Filipino-Chinese ngadto sa gobyeno sa Pilipinas ug China nga palurangon ang nagka-init nga tensyon sa West Philippine Sea pinaagi sa dayalogo sa neutral ug diplomatikong paaagi.
Gipagawas sa Federation of Filipino Chinese Chambers of Commerce Industry, Inc. (FFCCII) ka-uban ang 32 ka lain pang Filipino-Chinese business ug civic federations ang joint statement subay sa bag-uhay lang nga insidente sa Ayungin Shoal.
Gibutyag sa grupo nga suportado nila ang panawagan ni Pangulong Bongbong Marcos alang sa diplomatikanhong pagdumala sa managlahing claim sa duha ka nasud.
Nagtuo usab ang grupo nga pinaagi lang sa constructive dialogue makapangita og susamang ground ang duha ka nasud nga posibleng muresulta sa hapsay nga kasulbaran sa tensyon.
