Namatay ang usa ka 16 anyos nga dalaga human kini makigkita sa iyang boyfriend sa Makilala, North Cotabato.
Giila ang biktima nga si alyas Josie nga taga Garcica sa maong lugar.
Nasayran nga nagkadugo ang pribadong parte sa maong dalaga dihang miulikini human makigkita sa boyfriend sa balay niini sa Barangay Malasila.
Nadala pa sa ospital ang dalaga apan wala nakabsan na kini sa kinabuhi.
Gilayon usab nga gipailawom sa kustodiya sa kapulisan ang boyfriend niini nga si Alyas Jomar, 18 anyos ug taga Makilala samtang padayong giimbestigahan.
Mismong si alyas Jomar ang nagdala sa ospital sa dalaga human mamatikdan ang pagkadugo sa pribadong parte niini.
Sa pakighinabi kang PCpl. Jephony Bargamento nga maoy imbestigador sa kaso, gibutyag niini nga wala hinuon kini samad sa lawas ug bugtong pribadong parte sa lawas lamang niini ang adunay samad base sa doktor nga misula niini.
Gisundo sa boyfriend si alyas Josie aron sa Malasila matulog.
Posible usab nga maatubang sa kasong lugos ug homicide ang suspek depende sa mahimong imbestigasyon sa kapulisan.
