Nagtagbo ug nagkauyon ang Department of Agriculture (DA) ug stakeholders sa industriya sa baboy nga himuong mas estrikto ang pagpatuman sa maximum suggested retail price (MSRP) sa mga produkto sa baboy nga gibaligya sa mga merkado.
Kini human ang departamento nihimo og inspeksyon sa pipila ka dagkong tindahan sa Metro Manila diin naobserbahan sa mga opisyal sa ahensya ang ubos nga pagsunod sa retailers sa giusab nga MSRP.
Matud kang Usecretary for Livestock Dante Palabrica, ang kasugtanan nagatuyo nga malikawan ang dugang pa nga pagpatuman sa mga interbensyon nga makaguba sang presyo sang mga batakang palaliton sa mga merkado.
Matod pa niya nga kinahanglang sundon ang gitakda nga MSRPs aron magpabiling balanse ang kita tali sa mga producers, traders, retailers, ug consumers, ilabi na sa kalisod sa inflation.
Samtang, gihangyo ni Agriculture Sec. Francisco Tiu Laurel Jr. ngadto sa industriya sa baboy aron suportahan kining mga inisyatiba ug plano sa ilang ahensya nga ibalik ang dul-an sa 14 ka milyon nga imbentaryo sa baboy sa nasud sa wala pa ang kadaot nga gipahinabo sa African Swine Fever (ASF).
