Gipasiguro sa Department of Agriculture (DA) nga makadawat og fuel subsidy ang mga mananagat ug mag-uuma nga apektado sa hinay-hinay nga pagpatuman sa dakong pagsaka sa presyo sa produktong petrolyo karong semanaha.
Matod ni Agriculture Secretary Francisco Tiu Laurel Jr., ang ahensiya nagtudlo og ₱150 million nga pondo o tag-₱75 million alang sa fuel subsidy sa mga mananagat ug mag-uuma, ubos sa 2025 General Appropriations Act.
Samtang gibutyag ni Agriculture Spokesperson Assistant Secretary Arnel de Mesa nga ipagawas ang pondo kung mosaka ang presyo sa US$80 kada bariles sa Dubai crude oil.
Dugang pa ni Laurel, posibleng dili pa maapektuhan karon ang presyo sa mga abuno tungod sa kagubot sa Middle East, apan posible nga mabati ang epekto niini sa ulahing bahin sa tuig.
Gisiguro usab sa opisyal nga aduna pay igo nga suplay sa mga abuno sa nasud nga gibanabana nga molungtad hangtod sa katapusan sa 2025.
