Nagsugod na karong adlawa ang papal conclave, diin ang mga Katolikong kardinal gikatakdang mopili sa sunod nga papa.
Adunay kinatibuk-an nga 133 ka mga cardinal electors gikan sa 70 ka mga nasud ang kwalipikado nga mopili sa mopuli ni anhing Pope Francis.
Ang mga cardinal magpabilin sulod sa Sistine Chapel ug mogahin og panahon sa pagpamalandong. Sa dili pa magsugod ang conclave, ang mga kardinal magpahigayon ug kataposang kinatibuk-ang kongregasyon.
Ang conclave ablihan pinaagi sa usa ka santos nga misa nga tambungan sa tanang cardinals.
Ang mga cardinal gidid-an sa pagpakigsulti gawas sa Sistine Chapel samtang putlon usab sa Vatican ang tanang signal sa telepono sulod sa teritoryo niini sugod alas 3 sa hapon, (alas 9 PM, oras sa Pilipinas).
Kini magpadayon hangtod nga mapili ang bag-ong papa. Samtang uban sa pagsugod sa conclave, subling sundon ang ‘by order of precedence’ nga gitatakda sa ‘Universi Dominici gregis,’ sa order o pagkasunod-sunod sa pagbotar.
Ang responsibilidad sa pagdumala sa conclave anaa sa kamot sa pinaka-senior nga miyembro– si Cardinal Pietro Parolin, nga nagsilbi usab isip secretary of state ilawom ni Pope Francis. Si Parolin mahimong Cardinal Elector No. 1 sa conclave.
Siya ang mag-una sa ‘oath of secrecy ug mao usab ang una nga ibutang ang iyang balota sa banga nga maoy magsilbing sudlanan sa balota.
