GENERAL SANTOS CITY – Magpahigayon pag-usab ug committee hearing ang komitiba sa Transportasyon sa Syudad nga gipanguluhan ni Gensan City Councilor Dominador Lagare Jr. may kalabutan sa nagpadayon nga Mabuhay underpass project.
Lakip tutukan ang uban pang mga isyu may kalabutan sa trapiko sa syusad.
Gikabutyag nga angayang daghan nga mga tarpaulin signs nga ibutang sa mga entrance ug exit sa Syudad aron nga dili na moagi sa lugar ang ubang mga motorista.
Sayron usab ang kalambuan sa request sa LGU Gensan sa SOCOTECO nga ipangbalhin ang poste nga anaa sa kilid sa konstruksyon sa Mabuhay underpass aron nga mahimong 2 lanes ang agianan sa kilid nga bahin sa lugar.
Dugang pa ni Lagare nga angayan usab nga butagan na ug daghang mga route signs ang mga entrada sa syudad aron nga mabawasan ang guot na kaayo nga trapiko sa Syudad.
Kahibaloan nga takdang mahuman ang Mahuhay underpass project kapin tulo ka tuig rason nga daghan ang namoblema sa Trapiko hilabina sa mga motorista nga mag-agian sa maong lugar.
