Pabor ang Commission on Elections (Comelec) sa gisang-at nga sugyot nga ipailawom sa drug test ang tanang modagan sa 2025 midterm elections.
Matod ni Comelec Chairman George Erwin Garcia, abli sila sa nasangpit nga sugyot ni Davao City First District Rep. Paolo Duterte.
Duda usab kini sa mamahimong implikasyon niini ilabina nga adunay desisyon na ang Supreme Court nga wala sa batakang balaud ang probisyon sa Comprehensive Dangerous Drugs Act nga naga-obliga sa mga kandidato nga musalan sa drug test.Bisag adunay desisyon ang SC, gibutyag ni Garcia nga anaa sa usa ka kandidato kung gusto niining mahimong transparent.
Sa pamahayag ni Garcia nga dili pugngan sa Comelec kung magbutang sila og resulta nga negative sa droga sa ilang certificate of candidacy kung asa dawaton nila kini.
