Gipasalig sa Commission on Elections (Comelec) nga way problema sa pagpasa sa resulta sa umaabot nga piniliay.
Matod ni Comelec Chairman George Garcia, kini ang hinungdan nga ilang susihon ang mga detalye kalabot sa transmission sa piniliay.
Una nang nibisita ang mga opisyal sa Comelec sa buhatan sa usa sa mga telecom company sa nasud sa Taguig, nga makaiikag sa eleksiyon.
Masaligon ang mga opisyal sa poll body sa kaandam sa telco aron masiguro nga walay mahitabong malfunction.
Matod ni Garcia, alang sa umaabot nga piniliay 240,000 ka mga simcard ang gamiton ug ibutang sa automated counting machines.
Ang mga simcard nga gigamit gibahin sa tulo ka dagkong telcos, apan depende kini kung asa nga telco ang lig-on sa usa ka lugar.
Sa mga walay signal, duna nay starlink satellite nga andam gamiton alang sa transmission ilabi na sa canvassing diin target sa Comelec nga masugdan na ang transmission sa resulta tulo ka oras human sa eleksyon.
