Andam na ang Commission on Election (COMELEC) sa pagproklama sa 12 ka mga midaog nga senador.
Matod ni COMELEC chairman George Garcia, ang maong proklamasyon ipahigayon karong adlawa sa Tent City sa Manila Hotel alas 3:00 sa hapon.
Ang mga mananaog nga kandidato tugotan nga makadala og 10 ngadto sa 15 sa ilang mga kauban.
Hatagan usab og lima ka minuto ang matag kandidato aron magpasalamat sa mga misuporta kanila.
Dugang niya nga ang National Board of Canvassers (NBOC) nipadala na og pormal nga imbitasyon sa 12 ka mga senador.
Kahinumduman nga kagahapong adlawa gipagawas sa NBOC ang gitawag nga “magic” 12 ka mga midaog nga senador.
Kini naglakip nila;
Christoper “Bong” Go adunay 27, 121,073 na boto.
Bam Aquino – 20, 971, 899 boto
Ronald “Bato” Dela Rosa – 20, 773, 946 boto
Erwin Tulfo – 17, 118, 881 boto
Kiko Pangilinan- 15, 343, 229 boto
Rodante Marcoleta- 15, 250, 723 boto
Panfilo “Ping” Lacson – 15, 106, 111 boto
Vicente “Tito” Sotto III – 14, 832, 996 boto
Pia Cayetano – 14, 573, 430 boto
Camille Villar – 13, 651, 274 boto
Lito Lapid – 13, 394, 102 boto
Imee Marcos – 13, 339, 227 boto.
Samtang ang proklamasyon sa mga midaog nga Party-list groups ipahigayon karong Lunes, Mayo 19 2025
