GENERAL SANTOS CITY – Nagpahinumdom si Atty. Jose Villanueva, assistant regional director sa Commission on Election kon Comelec 12 nga wala pa nahuman ang implementasyon sa gun ban.
Nagpahimangno ang nasampit gumikan daghan na ang nasikop gumikan sa gun ban.
Gikadugang pa sa maong opisyal nga bisag ang mga pulis, military o laing miembro sa law enforcement agencies ang bawal nga magdala og armas kung wala naka-uniform.
Bisag ang adunay gihuptan nga permit to carry firearms ang bawal gihapon.
Gibutyag sa maong opisyal nga istriktong gipatuman ang maong patakaran ug ilang bantayan bisan kadtong nagapataka ug padikit sa ilang mga poster bisan kung wala pay pagtugod.
Sa iyang pamahayag nga sa miaging Agosto 28 nagsugod ang gun ban og mahuman sa Nobyembre 29, 2023.
Sa tibook nasud kapin na sa 200 ang naaresto nga nakasupak sa gun ban.
