-- ADVERTISEMENT --
GENERAL SANTOS CITY – Giangkon ni Atty. Jose Villanueva, assistant Regional Director sa Comelec 12 nga gisapinal pa ang listahan sa mga botante alang sa Oktobre 30, 2023 nga Barangay og SK election.
Matud pa niini nga sa partial report nga anaa sa 3.3 million ang botante sa Region kung asa 800,000 ang mga SK voters og 2.4 million ang mga regular voters kon mga nagpangidaron og 18 anyos pataas.
Kung mahuman ang pagsapinal sa listahan masayran na kung asa nga presinto ang mga bag-ong botante og pila ang madugang nga mga polling precints.
Sa pagkakaron hugot na nga gipangandam sa COMELEC ang matigayon nga election sa bulan sa Oktobre.
