GENERAL SANTOS CITY – “All-systems go” na ang Commission on Election kon Comelec 12 alang sa matigayon nga 2019 midterm elections sa Lunes, Mayo 13.
Kini ang gipasalig ni Atty Jose Villanueva, assitant regional director sa Comelec 12, sa pakighinabi sa Bombo Radyo.
Matud pa nga anaa na ang mga vote counting machines ug uban pang mga paraphernalia nga gikinahanglan alang sa matigayon nga piniliay, ug napadala na sa matag munisipyo ug siyudad dinhi sa rehiyon.
Atty Jose Villanueva, assitant regional director sa Comelec 12
Ug gani, igo na lamang matud pa sila gapahigayon ug “refinement” ug ginapinalisa ang sistema nga pagagamiton ug himuon, kung asa nagtambayayong ang DICT ug DOST sa taga-Comelec alang sa pagbansay kon ugaling kinahanglanon ang pag-reconfigure sa mga SD card nga ginabutang sa VCM, nga maoy gisudlan sa mga data.
Gikabutyag nga nagpadayon ang ginahimong final testing and sealing sa mga VCMs nga nagsugod kaniadtong Lunes nga posibleng mulungtad pa hangtod sa Mayo 12.
