Gikumpirma ni Coach Tim Cone nga dayon gihapon ang pagpangandam sa Gilas Pilipinas bisan pa sa unang taho nga dili maapil sa lineup ang magduduwa nga si Kai Sotto.
Diin, ang head coach sa national team nagkanayon nga dili sila mag-usik og panahon sa ilang gitakdang mga duwa.
Sa samang higayon, giangkon ni Coach Tim Cone nga maglisod ang pag-agi sa Gilas tungod sa sunodsunod nga flight schedules niini paingon sa lainlaing nasod.
Apan dugang pa niini, gipaambit usab ni Coach Tim Cone nga nahadlok siya sa posibilidad nga wala na silay igong panahon sa pagpraktis sa higayon nga magsangka og balik ang Gilas sa Fiba Asia Cup qualifiers.
Iyang gipasabot, ang ilang schedule sa Agosto lima na lang ka adlaw sa pagpangandam sa dili pa ang aktuwal nga adlaw sa duwa.
Sa laing bahin, giklaro sa Gilas Pilipinas coach nga naghuna-huna pa siya kung unsa ang set-up sa team sa sunod nga mga duwa.
Kini bisan pa sa iyang kaguol dihang gianunsyo nga dili na makaduwa si Kai Sotto tungod sa injury.
