GENERAL SANTOS CITY – Magpabilin pa si City PNP Director Sr. Supt. Maximo Layugan sa pwesto samtang wala pay nadawat nga abiso si Mayor Ronnel Rivera sa muhulip kaniya sa pwesto.
Gipaklaro ni Mayor Rivera nga duha ka tuig na si Sr. Supt. Layugan miaging adlaw kung basihan ang pagsugod niini ug serbsiyo sa syudad tungod milingkod kini niadtong Hulyo 6 2015.
Hangtud karon matud pa sa mayor wala kini gihuptan nga komonikasyon gikan sa NAPOLCOM nga kabahin sa pagtangtang ug pag-ilis ug bag-ong opisyal nga mudumala sa general Santos City Police Office.
Hinuon giangkon niini nga nakadungog sa pangalan ni Sr. Supt Ruel Beranggo nga gustong mahimong labaw sa kapulisan sa syudad apan wala pay opisyal nga kamandu-an niini.
Kahinumduman nga nagsaad si Kagawad Franklin gacal Jr nga kung makalingkod man ang naasoy nga opisyal siya ang unang mahimong kritiko niini.
