GENERAL SANTOS CITY – Aminado si Geraldine Zamora, labaw sa City Business Permit and Licensing Office nga walay mga permit ang mga establishemento nga anaa sa mga squatter areas sama na lang sa Olarte village nga bag-ong natukod nga adunay mga konplikto sa yuta.
Posible ang gihuptan lang sa mga nasampit mao ang barangay clearance.
Sa pamahayag niini nga mao karon ang suliran sa ilang buhatan nga dili mahatagan og occupancy permit sa office of building official nga mag silbing usa sa mga nag-unang rekositos una mahatagan og business permit.
Gani una na gipamahayag sa nasampit nga opisyal nga nangayo na sila ug tabang sa konseho unsay angayan himoon niining mga negosyo nga wala masunod ang balaod, gumikan dili kini maki-angayon sa mga nanag-iya sa yuta nga gabayad og buhis unya ang mga naa sa mga squatter ang nahimong dawat limpyo na lang nga walay gibayad sa gobyerno.
