GENSAN – Nagpadayon ang pahimangno sa City Health Office (CHO) sa publiko nga mag-amping sa sobra nga pagkaon karong holiday season. Sumala pa nga ang sobra nga pagkaon, labi na sa matatambok, tam-is, o daghang mantika, mahimong hinungdan sa lain-laing komplikasyon sa panglawas sama sa hypertension, diabetes, ug heart-related illnesses.
Gi-awhag sa CHO ang mga residente sa pagpili og balanse ug hapsay nga pagkaon, pag-inom og igo nga tubig, ug pagpraktis sa regular nga ehersisyo bisan sa selebrasyon.
Ang pag-amping sa pagkaon makatabang usab sa pagpugong sa pagtaas sa kaso sa emergency room tungod sa food-related illnesses.
Gipasabot sa CHO nga ang maayong pagdumala sa pagkaon ug lifestyle usa ka epektibong paagi aron mapabilin nga himsog ug malikayan ang sakit, labi na nga nagkaduol ang bag-ong tuig.
