Gisultihan ni Chinese President Xi Jinping si Us President Joe Biden nga dili manghilabot sa isyu sa West Philippine Sea (WPS).
Nahitabo kini human nagkita pagbalik ang duha ka lider sa dihang mitabong sila sa APEC Summit sa Lima, Peru.
Gisalikway sa Beijing ang 2016 nga desisyon gikan sa Permanent Court of Arbitration, diin ang korte miingon nga ang pag-okupar niini sa WPS kay walay legal nga basehanan.
Sa laing pamahayag, gitandi ni Xi ang organisasyon sa US nga kon ang duha ka nasod motratar sa ilang kaugalingon isip managhigala ug magkaparehas og tumong nga magtinabangay, adunay maayo nga pag-uswag, apan kon sila motratar sa usag usa isip magka-away kay adunay lawom nga kompetisyon hangtod nga moabot sa pisikalan.
Matud pa ni US national security adviser Jake Sullivan, nag-estorya ang duha ka mga lider sa pribadong hotel nga gipuy-an ni Xi, ug nilungtad og duha ka oras ang panag-istoryahanay ug matud niya gibalik-balik niini ang dugay na nga relasyon tali sa China ug US.
Ingon man nga wala sila makauyon kanunay sa ilang nahisgutan, apan ang duha ka mga lider giingong prangka sa usag-usa bahin sa nagkandaiyang isyu.
Kalabot niini, gisaad ni Xi, iyang ipadayon ang iyang relasyon uban ni US President Elect-Donald Trump.
Gisaad usab ni Biden nga iyang pakunhuran ang tensyon sa China nga nagpasamot sa ubang mga isyu sama sa posibilidad sa paggamit sa mga nuclear weapons nga makadaot sa katilingban.
Gihulagway sa White House, kini ang unang panag-istoryahanay sa duha ka nasud kalabot sa isyu sa paggamit sa nuclear weapons nga matud pa nila Xi ug Biden dili artificial intelligence ang kinahanglang sundon sa pagdiktar sa paggamit sa nuclear weapons aron pagluwas sa daghang kinabuhi.
