Naangkon ni Miss Universe Philippines Chelsea Manalo ang Best in National Costume sa bag-uhay nahuman nga Miss Universe 2024.
Si Manalo ang nakasungkit sa 1st place nga nasuundan usab sa representante sa Chile nga si Emilia Dides ug Vietnam nga si Nguyen Cao Ky Duyên.
Ang national costume ni Manalo nga gitawag nga “Hiraya” nga gibase sa kasaysayan ug debosyon sa relihiyon sa nasud Pilipinas.
Kalabut niini ang naasoy nga costume usab ang nagsimbolo sa relasyon ug kasaysayan tali sa Pilipinas ug Mexico.
Si Manny Halasan ang nag design niini pinaagi sa anindot ug detalyadong national costume nga girampa ni Manalo sa Miss Universe stage.
Kahinumduman nga si Manalo ang nakaangkon usab sa Miss Universe Asia sa naasoy nga beauty pageant.
Ang pagdaug ang “back-to-back” usab alang sa nasud tungod si Miss Universe Philippines 2023 Michelle Dee ang gideklara nga Best in National Costume sa Miss Universe 2023.
