Namatay na ang duha ka higayon nga Grammy Award-winning nga Amerikanong mag-aawit sa jazz, songwriter ug producer nga si Cassandra Wilson sa edad nga 70.
Sumala sa iyang dugay nang manager nga si Robert Torre, namatay si Wilson niadtong Septiyembre 2 sa iyang panimalay sa Jackson, Mississippi.
Nailhan si Wilson tungod sa iyang lawom ug talagsaong tingog nga contralto, ingon man sa iyang paagi sa pagsagol sa jazz, blues, folk, country ug R&B sa iyang mga awit.
Lakip sa iyang mga malampusong album ang New Moon Daughter, nga nakadaog og Grammy Award alang sa Best Jazz Vocal Album, ug Loverly, nga naghatag kaniya sa ikaduhang Grammy sa samang kategorya.
Niadtong 2001, gitawag siya sa Time magazine nga “America’s Best Singer.” Niadtong 2022, giila usab siya isip National Endowment for the Arts Jazz Master, usa sa labing taas nga pagkilala sa natad sa jazz sa Estados Unidos.
Nahimo usab siyang bahin sa Blood on the Fields ni Wynton Marsalis, ang unang jazz work nga nakadaog sa Pulitzer Prize for Music niadtong 1997.
Gihangyo sa pamilya ug mga higala ni Wilson ang privacy samtang nagbangutan sila sa pagkawala sa maong bantugang mag-aawit.
