Duha ang patay samtang 27 ang naangol human nahulog sa bung-aw ang bus nga gisakyan sa mga estudyante sa Barangay Mahayahay, Dumingag, Zamboanga del Sur niadtong Huwebes sa buntag, Hulyo 10.
Sumala sa mga taho, ang bus padulong sa Pagadian City, diin kadaghanan sa mga pasahero niini gilauman nga motambong sa usa ka kalihokan nga adunay kalabotan sa Reserve Officers Training Course (ROTC).
Usa sa mga namatay giila nga si Roy Bermudez, usa ka estudyante, kinsa napalgang patay sa dapit nga nahitaboan sa aksidente.
Ang laing biktima usa ka tigulang nga pasahero, kinsa daling gidala sa tambalanan apan gideklarar nga dead on arrival.
Sa inisyal nga mga taho nagkanayon nga ang Rural Transit bus adunay 40 ka mga pasahero, 29 niini mga estudyante sa St. Joseph College sa Sindangan.
Gisusi pa sa mga otoridad ang hinungdan sa aksidente.
