GENSAN – Gisiguro sa Bombo Radyo Philippines ang padayong pagpalambo sa mga inobasyon ug pagpanalipod sa pagsalig sa publiko samtang gimarkahan niini ang ika-60 ka tuig sa pag-alagad.
Kini ang gibutyag ni Bombo Radyo Philippines President ug CEO Margaret Ruth Florete atol sa iyang pagpamulong atol sa Top Level Management Conference (TLMC) nga nagadayon sa Iloilo City, nga anaa na sa ikaduhang adlaw.
Sa maong okasyon, gipasalamatan usab niini si Dr. Rogelio Florete, chairman sa network, tungod sa iyang padayong giya ug kontribusyon sa kalampusan sa Bombo Radyo Philippines sulod sa unom ka dekada.
Gipahayag ni Ms. Margaret nga magapadayon ang network sa paghatag og kasaligan, tul-id ug serbisyong balita alang sa katawhan, dungan sa pag-angkop sa bag-ong teknolohiya ug pamaagi sa media.
