GENERAL SANTOS CITY – Karon pa lamang nanawagan na ang City Permit Licensing Division (BPLD) sa mga negosyante nga magkuha na og application form alang sa renewal sa business permit alang karong Enero, 2021.
Matud ni Licensing officer 4 Geraldine Zamora nga nagsugod na pag-abiso sa mga negosyante, mga bookeepers ug mga incharge sa pagproseso sa renewal sa business permit nga mo-adto na sa ilang opisina ug mukuha ug form.
Gikadugang pa ni Zamora nga kung sa sunod tuig pa muadto sa ilang buhatan posible nga magpunsisok na ang mga aplikante nga dili matumn ang social distancing.
Gikadugang niini nga musamot kalangay tungod may gipatuman nga proseso nga dili sama sa nakalabay nga katuigani tungod nagpadayon pa ang pandemya.
Sumala pa ni Zamora nga mas sayo nga magkuha og application form aron dili malangay.
Karon pa lamang nagbutang na ug mga marker sulod sa iyang buhatan isip timailhan aron masunod ang social distancing.
