Gisuspendi sa Office of the Ombudsman si Bamban Mayor Alice Guo ug duha nga lain pa ug hangtud unom ka bulan.
Sa siyam ka panid nga kamandoan, gibutyag sa Ombudsman nga taas ang posibilidad nga maimpluwensiyahan sa respondents ang mga testigo o ma-tamper ang unsa mang ebidensiya sa kaso tungod sa gahum ug awtoridad nga anaa ang mga respondent.
Ang maong lakang sa Ombudsman human sa gipasaka nga korapsyon kauban ang Department of the Interior and Local Government (DILG) batuk sa mayor kaniadtong Mayo 24 kalabutan sa kalambigitan sa opisyal sa gi-raid nga Philippine Offshore Gaming Operator (POGO) sa iyang lokalidad kaniadtong Marso 13 nga gi-operate sa Zun Yuan Technology Inc. kung asa nadiskubre ang daghan ug nagkadaiyang matang sa cellphone nga gilambigit sa operasyon sa POGO.
Aduna usab kapin 600 Pilipino ug langyaw ang narescue sa gipahigayong raid.
