GENERAL SANTOS CITY -Nagpatala sa Lagao Police Station ang duhaka anak ni Kapitan Rolito Blando Sr. sa Brgy Lagao ning syudad, human nga gisulod sa wala maila nga kawatan ug gipangkuha ang mga gamit.
Alas 5:00 sa sayo sa buntag sa Martes, nadiskubre sa mag-igsuong Mary Ann og Jackelyn Blando ang natigayong pagpangawat dihang sila nagmata ug nakit-an ang mga tunob sa tiil sa responsable.
Malampusong natangag sa suspek ang cellphone kantidad og P35,000, mga alahas, dollar bill og Korean won, nga adunay kinatibuk-ang kantidad nga dili muobos og P700,000.
Gikabutyag nga miagi ang mga suspek atubangan mismo sa balay sa pamilyang Blando sa Blk 10, Agan Homes South Villas, Lagao ning dakbayan.
Pagkakaron padayon pang giimbestigahan ang maong insidente aron mailhan ang suspek.
