-- ADVERTISEMENT --

Ugdaw ang balay sa usa ka magtutudlo sa Carcon Village, Sitio Toning Part 2, Purok 13, Barangay Lagao kagabii human masunog pasado alas-7:40

Sumala sa inisyal nga imbestigasyon sa Bureau of Fire Protection (BFP), sa likod nga parte sa balay nagsugod ang kalayo. Gitun-an pa sa mga imbestigador apan posible nga nagikan kini sa kandila nga gituohang maoy hinungdan sa sunog.

Walay natala nga casualty o samdan sa insidente, apan walay bisan usa ka gamit nga nasalba sa duha ka kwarto nga gilamoy sa kalayo. Gikumpirma sa mga silingan nga dali kaayong mikaylap ang kalayo tungod sa hinimo sa light materials ang panimalay.

Dayon nga miresponde ang mga bumbero ug nakontrolar ang kalayo human sa pipila ka minutos, apan total loss gihapon ang maong panimalay.

Kasamtangan, padayon pa ang imbestigasyon sa BFP aron masuta gyud ang hinungdan sa sunog ug ang kantidad sa kadaut nga natala.

-- ADVERTISEMENT --