GENERAL SANTOS CITY – Ang dili pag sunod sa mga balaud trapiko ang usa sa mga hinungdan nganong daghan ug disgrasya sa kadalanan.
Mao kini ang nahimong pagbutyag ni Atty. Jong Gonzales ang labaw sa Public Safety Office sa syudad sa Gensan dihang miatubang sa konseho ning syudad.
Gani sila matud pa sa Public Safety Office ang matag karon ug unya naga remind sa mga drivers nga mamahimong mag ma-ampingon ug mag hinay-hinay sa pagpadagan sa ilang mga ginamaneho nga sakyanan aron malayo sa disgrasya.
Dugang pa ni Atty. Gonzales nga ug mag sunod lang gayud sa balaud trapiko ug sa mga warning sign sa kadalanan maka siguro gayud nga malayo sa disgrasya.
Tungod kay gibuhat man nga luwas agian ug sakyanan ang kadalanan, ang problema ang pag maneho lang gayud sa mga drivers.
Sama nalang matud pa sa traffic signalization nga gipatuman sa syudad, daghang mga drivers ang mag reklamo tungod kay malangan sila sa ilang adtuan apan ang tinuod gibuhat kini sa LGU-Gensan aron nga mahan-ay ang mga nagdagan nga sakyanan sa syudad ug makalikay sa disgrasyan sa mag intersection.
