Balaod sa barato nga lungon mipasa na sa ikaduha nga pagbasa sa Kongreso – Rep Solon

GENERAL SANTOS CITY – Giduso ni Sarangani Province Congressman Steve Chongbian-Solon ang usa ka balaodnon sa hawanan sa kongreso, ang barato nga lungon alang sa mga nagkalisod nga mga residente .

Gani napasa na ang House bill number 102 sa second reading ang Áffordable casket bill, kon baratong lungon alang sa mga kaigsoonang kabus.

Tumong nga matabangan ang mga kabus nga makapalit ug lungon nga dili mulapas sa P20,000 .

TUngod niini maobliga ang mga punerarya nga mubaligya ug barato nga lungon alang sa mga indigent nga mga residente.

Pahamtangan usab ug multa nga P200,000 ug pagsuspenso sa ilang lisensya ang mga punerarya nga dili mulampas sa unom ka bulan kung kini mamahimo ng hingpit nga balaod.