Nagpadali karon sa pagresolba sa mga reklamo sa mga pumapalit og balay batok sa ilang mga developers ang bag-ong gitudlo nga kalihim sa Department of Human Settlements and Urban Development, Jose Ramon Aliling.
Kadaghanan sa mga reklamo mahitungod sa depekto nga yunit nga ilang nadawat human sa pagbayad.
Human matudlo ni Presidente Ferdinand Marcos Jr. Isip bag-ong kalihim sa ahensya, nipagawas dayon si Aliling og department circular labot sa maong butang.
Gihatagan og gibug-aton niini nga ang ahensya mismo kinahanglan nga maghatag proteksyon sa mga kliyente sa real estate batok sa dili maayo nga serbisyo gikan sa ilang mga developer.
Ang sirkular nag-ingon nga ang mga rehiyonal nga opisina sa DHSUD gikinahanglan nga maghatag ug bi-semana nga mga report sa status sa mga reklamo ngadto sa ilang hedkuwarter o sentral nga opisina.
Gitataw pa sa opisyal nga ang nag-unang prayoridad sa ilang ahensya mao ang pagsiguro nga matuman sa mga developers ang ilang mga saad ngadto sa mga pumapalit sa ilang gipatukod nga mga balay.
Gipasalig usab sa bag-ong kalihim nga dugangan pa sa ahensya ang gidaghanon sa mga housing units sa tibuok nasud.
