Usa ba kamo ka collector?
Unsa usab ang inyong gikolekta?
Usa ka museum owner sa Iowa ang posibleng bag-ong Guinness World Record holder human niya gitigom ang iyang koleksyon nga 38,162 ka kutsarita ug uban pang matang sa kutsara, nga labaw sa 8,000 sa kasamtangang naghupot sa rekord.
Si Cammie Pohl, tigdumala sa Mississippi Spoon Gallery, nag-uban ug halos duha ka dosena nga volunteers aron sa pag-ihap ug pagdokumento sa matag kutsara sulod sa lima ka oras.
Ang iyang tumong mao ang pagmatuod sa Guinness World Records nga nalabwan niya ang kasamtangang naghupot sa record nga si Des Warren, kinsa nakatala og 30,000 ka kutsara niadtong 1990.
Ang koleksyon ni Pohl dili lang bahin sa ordinaryong mga kutsara. Anaa usab ang mga salt teaspoon, mustard spoons, ug mga antigo nga kutsara gikan pa niadtong ‘Gilded Age’.
