Gipaklaro ni abogado Atty. Ferdinand Topacio nga kinahanglan nga sundon sa Estados Unidos ang proseso nga gilatid sa balaod sa Pilipinas may kalabotan sa extradition request batok kang Pastor Apollo Quiboloy, founder sa Kingdom of Jesus Christ (KOJC).
Matud ni Topacio, ang hangyo sa US government nga ipa-extradite si Quiboloy kinahanglan paagi sa korte sa Pilipinas, diin susihon ang merito sa maong kahilingan.
Gibutyag sa abogado nga bisan pa og adunay naglungtad nga extradition treaty tali sa Pilipinas ug Estados Unidos, ang proseso magpabilin gihapon nga sakop sa hurisdiksiyon sa lokal nga korte.
Niadtong Agosto 6, gikumpirma sa Department of Foreign Affairs (DFA) nga pormal nang gisumiter sa gobyerno sa Estados Unidos ang extradition request alang kang Quiboloy aron moatubang sa mga kasong kriminal nga giatubang niini sa maong nasud.
Ang maong kahilingan gihimo halos duha ka tuig human maaresto si Quiboloy sa Mindanao niadtong Septyembre.
