Arnel Pineda nitubag na sa alegasyon sa pagpanakit ngadto saiyang asawa

Nitingog na ang international rock star nga si Arnel Pineda bahin sa mga pasangil sa pagpangulata niya sa iyang asawa.

Matod sa iyang manager nga si Yul Session nga ang kaso usa lang ka balos sa asawa sa singer.

Matod niya gusto nilang ipakita nga hugaw ang dungog sa Journey frontman.

Si Pineda nipasaka og kasong adultery batok sa iyang asawa duha ka tuig na ang milabay sa Baguio City ug Quezon City.

Gitataw usab sa abogado nga bisan og gipasakaan ni Pineda og kaso ang iyang asawa, wala gyud siya nigunit niini.

Nagpadayon usab ang singer sa paghatag og sustento sa ilang mga anak.

Kahinumdoman nga nipagawas og bench warrant ang korte sa Quezon City tungod sa kapakyas sa singer sa pagtunga sa gikatakdang mga pagdungog.