Nakatakda nga mahimong host si Marina Summers sa umaabot nga Miss Universe Philippines coronation night nga ipahigayon sa Mayo 2, alas-7 sa gabii, sa Mall of Asia Arena.
Kahinumduman nga niadtong 2024, mibida pag-usab si Marina sa entablado sa Miss Universe Philippines isip opening act diin iyang gihimo ang “AMAFILIPINA.”
Siya usab ang unang drag queen nga nakaperform sa entablado sa maong kompetisyon, usa ka makasaysayanong higayon para sa pageant.
Nailhan si Marina sa unang season sa “Drag Race Philippines,” diin siya ang runner-up.
Sa ulahi, iyang gi-representar ang nasud sa “RuPaul’s Drag Race: UK vs The World” ug nagtapos sa ika-upat nga puwesto.
Sa laing bahin, gilauman nga koronahan ang sunod nga Miss Universe Philippines sa maong gabii, diin si Ahtisa Manalo ang mopasa sa korona.
