Mas natandog karon ang mga netizens human nakita diha sa naghulat nga bagang duot sa katawhan didto sa Kauluhan ang amahan ni Paris Olympics 2-time gold medalist Carlos Yulo nga si Mark Andrew Yulo nga naghulat aron makita ang anak sa parade alang sa mga atletang delegado sa 2024 Paris Olympics kagahapon.
Nakita si Mark Andrew nga nagbitbit og banner nga adunay tatak nga ‘Caloy, dito Papa mo!’ samtang naglukso-lukso sa kalipay nga gitan-aw ang anak kinsa nakahimo sa iyang best Olympic finish nga gihulat sa tibuok Pilipinas sulod sa 100 ka mga tuig.
Wala’y gibating kakapoy nga naghuwat si Mark nga makalabay sa ilang nahimutangan ang parada sa iyang anak kinsa proud gihapon kaayong nag-cheer bisan pa man sa pagsulay nga nahitabo karon sa ilang pamilya.
