Mag-uban sa samang selda ang gitaktak nga mayor sa Bamban, Tarlac nga si Alice Guo ug sa usa sa kaubang giakusahan sa Kingdom of Jesus Christ (KOJC) sumala sa Bureau of Jail Management and Penology (BJMP).
Sa pagpaklaro ni BJMP Spokesperson Supt. Jayrex Bustinera, ibalhin si Guo gikan sa PNP custodial facility sa Camp Crame ngadto sa Pasig City Jail Female Dormitory ning adlawa, Sept. 23.
Sumala pa niini nga sa miaging 2 ka semana, tulo ka co-accused ni Quiboloy ang gidala sa susamang prisohan diin gibahin kini tungod kay tulo ra ang selda nga bakante ug ang usa sa mga naka-ukopa na sa usa ka selda ang makauban ni Guo.
Gikadugang pa nga way special preparation sa among selda tungod nagsunod lang sila sa korte ug unsay hitsura sa selda sa wala pa musulod si Guo mao usab ang hitsura niini sa iyang pagsulod.
