-- ADVERTISEMENT --
Magka-uban pag-usab sa doubles competition ang Filipina tennis star nga si Alex Eala ug US tennis icon Venus Williams sa umaabot nga Mubadala DC Open sa Washington, D.C.
Lakip ang duha sa star-studded doubles lineup sa maong torneo nga pagatambongan usab sa daghang Grand Slam doubles ug mixed doubles champions sa ATP ug WTA Tours.
Una nang nagdungan og dula sila sa Bad Homburg Open niadtong miaging bulan diin nidaog sila sa first round batok nila Alexandra Osborne ug Catherine Harrison, apan napildi sa quarterfinals nila Olivia Nicholls ug Tereza Mihalikova.
Ang Mubadala DC Open pagahimoon gikan Hulyo 25 hangtod Agosto 2.
