GENERAL SANTOS CITY – Highly qualified si AFP chief of staff General Eduardo Año alang sa pagka-kalihim sa Department of Interior and Local Government (DILG).
Kini ang panglantaw ni Judge Chalmer Gevieso sa MTC sa Maasim, Sarangani, human ang pagkatuboy ni Pangulong Rodrigo Duterte kang Gen. Año kagahapon sa hapon, una milupad alang sa iyang working visits sa ubang nasud.
Matud kang Judge Gevieso, angayan ug may katakos ang heneral aron dumalaan ang naasoy’ng ahensya.
Maayo usab matud pa nga walay political depth ang ituboy sa maong posisyon sama ni Año, hinungdan nga mapatuman niya ang mga kinahanglan ug angayang ipatuman nga patakaran sa mga anaa ilawom sa ahensya.
Hinungdan nga dako ang pagtuo sa naasoy’ng huwes nga ang pagpili kang Año alang sa DILG post ang usa sa mga maayong desisyon nga nahimo sa pangulo.
