Adlaw ni Apollo Quiboloy, maihap na lang – Hontiveros

Gikalipay ni Senador Risa Hontiveros ang pagsurender sa mga otoridad sa pugante nga si Apollo Quiboloy.

Matod ni Hontiveros, kinsa maoy nag-unang imbestigador sa Senado sa mga kaso sa paglapas sa tawhanong katungod ni Quiboloy, maihap na lang ang mga adlaw sa puganteng pastor.

Gidugang sa opisyal nga dili mahimong maka-ikyas si Quiboloy sa balaod ug dili na malangan ang hustisya sa iyang mga nabiktima.

Gipasalamatan ni Hontiveros ang mga biktima nga maisugon nga mitug-an sa tinuod atol sa hearing diin matud pa niya makab-ot na nila karon ang hustisya.

Samtang gidayeg niini ang mga law enforcement agencies tungod sa ilang dedikasyon bisan pa sa mga taktika ni Quiboloy.