Gipakita sa defence team ang mga litrato sa pasilidad sa produksyon sa Cale88 Foods Corporation nga nakuha atol sa virtual inspection niadtong 2021, isip kabahin sa testimonya ni Department of Trade and Industry (DTI) Undersecretary Ceferino Rodolfo atol sa impeachment trial batok kang Vice President Sara Duterte.
Makita usab sa mga dokumentong gipresentar ang pag-apil ni Dr. Lourdes Lebosada sa maong virtual inspection, kinsa naunang gihisgutan sa paghusay isip dentista sa bise presidente.
Gawas niini, nahibaw-an nga si Lebosada ug ang bana sa bise presidente nga si Atty. Manases Carpio adunay shares sa Cale88 sa dihang gitukod ang kompanya niadtong 2021.
Gikumpirma usab ni Rodolfo nga nakarehistro ang Cale88 sa Board of Investments o BOI isip export enterprise, diin gikinahanglan nga dili moubos sa 70 porsiyento sa kinatibuk-ang produksiyon sa kompanya ang igahin alang sa pag-eksport.











