-- ADVERTISEMENT --

Mobalik na usab sa professional golf si Tiger Woods human sa kapin duha ka tuig nga pagpahulay.

Apil ang 50-anyos nga si Woods sa mga kumpirmadong partisipante sa Hero World Challenge nga ipahigayon sa Albany, Bahamas, gikan Disyembre 3 hangtod 6.

Kini ang iyang unang pag-apil sa usa ka opisyal nga kalihokan sa PGA Tour sukad Hulyo 2024.

Kahinumdoman nga nag-atubang si Woods og daghang injury ug problema sa balaod.

Lakip niini ang iyang pagkalambigit sa usa ka aksidente sa sakyanan nga natumba sa Florida niadtong Marso, nga miresulta sa pagsuspinde sa iyang lisensya sa pagmaneho sulod sa lima ka tuig.

-- ADVERTISEMENT --

Bisan tuod walay nakit-ang ebidensiya nga nakainom siya og alkohol, nadiskobrehan nga posibleng apektado ang iyang abilidad sa pagmaneho.

Nakaplagan usab sa iyang pagpanag-iya ang duha ka tableta sa hydrocodone, usa ka matang sa opioid nga tambal para sa kasakit.

Gikasuhan siya may kalabotan sa DUI ug sa iyang pagdumili nga moagi sa legal nga pagsusi.

Human sa maong insidente, mipahibalo si Woods nga mopahulay una siya sa golf aron magpatambal ug mas tutokan ang iyang kahimsog.

Ang iyang kataposang kampeonato nakuha niya sa Zozo Championship sa Japan niadtong 2019.