Gipalig-on sa administrasyong Marcos ang pagdumala sa paggamit sa Artificial Intelligence o AI sa nasud pinaagi sa bag-ong executive order nga gipirmahan ni Pangulong Ferdinand Marcos Jr.
Ubos sa Executive Order No. 131, gitukod ang National Artificial Intelligence Council o NAIC nga maoy modumala sa pagpatuman sa mga polisiya ug programa alang sa responsable ug luwas nga paggamit sa AI.
Tumong sa konseho nga masiguro nga ang pagpalambo ug paggamit sa modernong teknolohiya nahiuyon sa nasudnong interes, ilabi na sa mga aspeto sa seguridad, transparency, accountability ug pagpanalipod sa katungod sa publiko.
Lakip usab sa mga prayoridad sa kautusan ang pagpalapad sa edukasyon kabahin sa AI, paghatag og pagbansay sa mga trabahante, pagpalig-on sa digital infrastructure ug pagsuporta sa panukiduki ug inobasyon.











