-- ADVERTISEMENT --

Gipabilin sa Fifth Division sa Sandiganbayan ang ikaduhang 90-adlaw nga preventive suspension batok kang Senator Jinggoy Estrada human ibasura ang iyang mosyon alang sa reconsideration kalabot sa giingong iregularidad sa flood control projects.

Sa resolusyon nga gisulat ni Associate Justice Zaldy Trespeses, giklaro sa korte nga managlahi ug separado ang mga kaso nga gidumala sa Fifth Division ug Second Division.

Una nang gipahamtang sa Second Division ang 90-adlaw nga preventive suspension batok kang Estrada niadtong Hunyo 2026, sa wala pa nagpagawas og laing mando ang Fifth Division niadtong Oktubre.

Gisupak ni Estrada ang ikaduhang suspensyon tungod kay mokabat sa 180 ka adlaw ang kinatibuk-ang panahon sa iyang pagkasuspinde.

Apan gipasiugda sa Fifth Division nga obligasyon sa korte ang pagpahamtang og preventive suspension subay sa gitakda sa balaod.

-- ADVERTISEMENT --

Samtang, gisuportahan usab sa Office of the Ombudsman ang desisyon ug giklaro nga ang preventive suspension usa lamang ka lakang aron mapanalipdan ang proseso sa paglilitis ug dili kini nagpasabot nga napamatud-an na ang sala sa senador.